Transcription
1
Monseigneur, je nay vollu faillir vous advertir
2
comment dimenche au soyr à Ryves fust tué en son lict
3
ung marchand nomme Ladouy, lequel estoit aultres
4
foys de la relligion et sachant la volunté du roy,
5cestoyt catholizé ; et daultant que [barré : ault ] il y a
6
quelque temps quil sestoyt adressé à vous pour
7
le reguard de quelques ungs qui le menassoyt.
8
Cela mest plusieurs en gelozie qui obtemperantz à
9
la volunté de sa magesté ne se peuvent asseurer
10
sinon que lon en facent justice, ce que je me
11
asseure votre intention estre telle et de messeigneurs
12
de la court ; et ayant entendu cest acte, je vous
13
en ay bien volu advertir ce que je feray touiours de
14
toutes chozes qui pourront venir en ma cognoissance
15
qui meriteront vous en advertir, aussi de vous dire
16
sil survient quelque choze pour le service de sa
17
magesté et memployer et par votre moyen comme
18
je desire faire daussi bonne volunté que je prie Dieu,
19
monseigneur, vous donner parfaicte sancté, longue et
20
très heureuse vie, vous saluant de mes humbles
21
recommandations. De Vourey, ce XVe janvier 1573.
22
Votre très humble et obeissant
23
serviteur Servaing